چیف آف جھالاوان کی طرف سے اخباری بیان دیا گیا ہے کہ سدا بہار ٹرمینل کی زمین کی ملکیت کا دعویٰ کیا ہے

 

چیف آف جھالاوان نواب ثناء اللہ خان زہری نے مختلف اخبارات میں بیان دیکر اپنے منصب کا احترام نہ کرتے ہوئے لہڑی قبائل پر من گھڑت بے بنیاد الزامات لگا کر اپنے آپ کو ایک فریق ثابت کردیا ہے ہم اپنا حق محفوظ رکھتے ہوئے وضاحت کرتے ہیں کہ آپ چیف آف جھالاوان ہوتے ہوئے اپنے آپ کو جانب دار بنا دیا ہے ہم اس واقع کی شدید مذمت کرتے ہیں اگر آپ کا کوئی ذاتی مسئلہ ہے۔۔۔ تو آپ اُس کا اظہار کریں تاہم اس قسم کے بیانات سے پورے لہڑی قبائل کی دل آزاری ہوئی ہے اس سلسلے میں ہم وضاحت کرنا چاہتے ہیں کہ پچھلے 22 سالوں سے اس زمین پر بس ٹرمینل قائم ہے جو ہم نے قانونی طور پر حاصل کی تھی جس کی آج تک آپ نے ملکیت کا دعویٰ نہیں کیاہمارے قبیلے کے معتبرین موجود ہیں کیاکھبی آپ نے اُن کے سامنے اس ٹرمینل کی زمین کی ملکیت ظاہر کی؟

چیف آف جھالاوان کی طرف سے اخباری بیان دیا گیا ہے کہ سدا بہار ٹرمینل کی زمین کی ملکیت کا دعویٰ کیا گیا ہے لہذا ہم تمام لہڑی قبائل کی طرف سے اس پریس کانفرنس میں یہ واضح کرنا چاہتے ہیں کہ گذشتہ 22سال سے سدا بہار ٹرمینل کی زمین قانونی طور پر ہماری ملکیت ہے جس کے تمام قانونی دستاویزات ہمارے پاس موجود ہے۔

معزز صحافی حضرات:

محراب پندرانی کے افسوس ناک واقعہ کی ہم بھی بھر پور مذمت کرتے ہیں اور ہم چاہتے ہیں کہ لواحقین کو انصاف ملے لیکن اس سلسلے میں پولیس لہڑی قبائلی کے معززین اور معتبرین کے گھروں پر چھاپے مار کر چادر اور چار دیواری کا تقدس پامال کررہی ہے جس کی ہم کسی صورت اجازت نہیں دینگے۔گذشتہ 12روز سے بے گناہ میر حشمت لہڑی کو جس کا ایف آئی آر میں ذکر تک نہیں کو حبس بے جا رکھا ہو اہے اور اُسے ذہنی اور جسمانی طور پر ٹارچر کررہے ہیں ہم پولیس اور انتظامیہ کو یہ واضح کر دینا چاہتے ہیں کہ بے گناہ میر حشمت لہڑی کو فوری طور پر رہا کیا جائے اگر رہا نہ کیا گیا تو ہم صوبے بھر میں وسیع احتجاج کا حق محفوظ رکھتے ہیں اس دوران کسی بھی نا خوشگوار واقعہ کی تمام تر ذمہ داری کوئٹہ پولیس اور انتظامیہ پر عائد ہوگی۔لہڑی قبیلے کے لوگوں نے ہمیشہ قانون کا احترام کیا ہے ہمیں مجبور کیا جارہا ہے کہ ہم احتجاج کا راستہ اپناتے ہوئے نہ صرف مظاہرے کریں بلکہ قومی شاہراوں کو بھی بند کرنے پر مجبور ہو۔